बिलासपुर, ईडी, आई टी, सीबीआई त कांग्रेसी मन के घर में ख़ुसरत हे लेकिन अब बघवा तकों कांग्रेसी मन के पीछु पड़ गे हे , ईडी , आई टी ल तो कांग्रेसी मन के घर पता हे लेकिन ये बघवा ल कोन कांग्रेसी मन खेत बाड़ी के पता ल बता दिस, जेन ह ऊंखर खेत में खुसर गे, अईसना में कोन ह बचाही,कोर्ट तकों एमा कुछु नई कर सके , एक झन भाजपाई चुटकी लिस की अमित शाह ह बाघ का कांग्रेसी मन के खेत म ढ़िलवाए होही, अमित शाह के भारी पकड़ हे , कुछु भी करे सकत हे, नई तो बाघ है दुसर के खेत म काबर नई ख़ुसरिस कांग्रेसीच के खेत म काबर खुसरिस, एक नेता कहीस की बाघ के गले म वीडियो कैमरा लगे रहीस बघवा खेत नापे गे रहीस , हालाकि वन विभाग वाला मन बघवा ल ताकत हे फेर अभी तक नई पाए हे, एक भाजपाई कहीस की गन्ना खेत पुराना कुछु माल के जानकारी मिले रहीस तेला टमड़े बर बघवा ल ढीले गे रीहिस, एक झन भाजपाई कथे भईगे कांग्रेसी मन नई बाँचए अंते देखे ल परीह। वरिष्ट कांग्रेसी नेता रविन्द्र चौबे के महुआभाटा खेत म आजकल एक बघवा खुसर गे हे तेला खेदे बर गांव में सब झन सकलाये हे, वन विभाग भी खोजत हे बघवा ल सब झन पुचकारत हे फेर बघवा तो बघवा मानतेच नई हे मां कसम कल्लई हो गे हेकोनो डहार चैन नई हे।
